تقرير زيارتي لأحد المدارس

سلامٌ كله شوق وحُب لأرواحكم الطيبة 💛💛 عودة قويّة مع عالم البرامج والأنشطة بإذن الله 😍 في هذا الموضوع راح أقولكم عن تجربتي الجميلة: كانت بداية مُبهجة مع استضافات المدارس و دور التحفيظ الترم الماضي ‏وتجربة جديدة كنت متشوّقة لها جداً وهي: الاشتراك مع أحد المدارس خلال فترة طويلة سواء كانت بالشهر أو خلال الترم بحكم رغبتي وميولي بجانب الأنشطة ومخالطة الطالبات والتأثير فيهم بالإضافة إلى مُمارسة شغفي بتطبيق أفكاري وتفاصيل تنسيقي مع الطالبات والحمدلله تحققت مع "المدرسة الثالثة" 💛💛💛💛⛅ كانت صباحات مختلفة، منوعة، شيّقة، كلها جمال

اتفقت مع المرشدة الراقية أنيقة الروح أ.وفاء أن النشاط يكون تبع برنامجهم "تعزيز السلوك الإيجابي" حسب رغبتها بحيث أن جميع لقاءاتي مع الطالبات تندرج تحت هذا الموضوع ‏اليوم الأول : كان صباح مُميّز جداً مع الطالبات قدمت لقاء تحفيزي بشكل عام للمدرسة كاملة ثم شرحت لهم فكرة تواجدي وأني راح أقدم أنشطة وأفكار اللي حابة تنظم معنا تكتب لنا: أسمها, أي صف, مواهبها, الهدف من اشتراكها معنا .. بحيث يتضح لي وضعهم وميولهم وأقدر أوجههم وماشاء الله التفاعل يعتبر جميل كـ فئة متوسط! ‏استمتعت فعلاً بوقتي معهم . 💛🌈 اليوم الثاني : ‏بما أن البرنامج لتعزيز السلوك الإيجابي ‏تكلمت عن القيمة الذاتيّة للطالبة وتعاملها مع الآخرين .. دائماً بالتغيير "نبدأ بالذات أولاً" كان نقاش مفتوح عفوي عن سلوك الطالبات وايش الأشياء اللي تزعجكم من البنات أثناء الحصة أو بالساحة عموماً بعد أجوبتهم سألتهم وش تتوقعون الأسباب لهذه الحركات ؟ ...الخ حاولت أفصّل لهم الموضوع عن أهمية الأخلاق وأن سلوكك يحدد قيمتك أمام الجميع وإحترامهم لك وماشاء الله التفاعل مثييير لأن المجال مفتوح لهم يقولون اللي بخاطرهم 👌💛 حبيت أضيف للأجواء توزيعات لطيفة لهم ومن خلالها ينطلق نقاشنا 🌿💛 هنا الصور ممكن تلهمكم :

‏اليوم الثالث ‏تنفيذ لرغبة الطالبات وطلبهم وإختيارهم بأن اليوم يكون ورشة عمل تجدد أجواؤهم ‏ تم توفير أدوات تغليف ولمسات لطيفة مع هدايا 💛💛💛 ‏الفكرة: إنجاز تغليف أنيق وتكلمت بشكل بسيط عن جمال الإعتماد على النفس بتنفيذ الهدية وحتى أنها ممكن تكون توفير بالإضافة إلى أثرها على الشخص المقابل أيضاً ربطت الورشة بالعنوان الأساسي وهو تعزيز السلوك الإيجابي 💛✨ ‏بأنه بالنهاية يكون ترشيح منهم: من هي حسنة التعامل مع الآخرين وتستحق الهدية منكم؟ كل وحدة منكم ترشح لنا طالبة .. والطالبة اللي يتكرر أسمها تكون لها الهدية اللي اشتغلتوا عليها

التفاااعل بهذه اللحظة لايووووصف 😭💛💛💛 فعلاً التفاعل أثناء الحصة أبهرني جداً ‏ولفت إنتباهي أن مثل هذه الأنشطة تربط الطالبات مع بعضهم ‏اثناء الورشة هذي ترسم لهذي والثانية تخط لها والثالثة تربط معها والرابعة تاخذ رأيها ‏أنصح بمثل هذه الأنشطة مع ربطها بقيمة تفيد الطالبة أخلاقياً أوفكرياً 👌💛 ‏-شوفوا جمال إنجازهم بالتغليف

اليوم الرابع : فكرته كتابة رسائل ودّية من الطالبات لزميلاتهم بالفصل 💛 خيارين : أما تكتب الطالبة إعتذار عن موقف أو تصرف غلطت فيه على البنت أو شكر وتحفيز لأي طالبة يعجبك سلوكها أو أثرت فيك

كان التفاعل كبير جداً بينهم .. 😍💛 والطالبات اللي وصلهم شكر في عدة رسائل يعتبرون مثال في سلوكهم الإيجابي في الختام كانت الأفكار والأنشطة هي تحريك أفكارهم وتساؤلاتهم مع أنفسهم خصوصاً لما كان فيه ترشيح للبنات اللي يستحقون هدية أو اللي وصلهم شكر كثير ختمت بسؤال : هل أنتم أقل منهم ؟ ماتقدرون تصيرون مثلهم ؟ أبداً .. ومن خلال برنامجنا هذا تقدرون تثبتون أنفسكم للمدرسة والمعلمات 👌💛💛💛✨ الحمدلله استمتعت جداً في هذه التجربة ويسعدني تكرارها بإذن الله بشكل أكثر جمال